Hoxe celebramos a primeira xuntanza deste curso. E aínda que pasaron moitos meses, botade contas que a derradeira vez foi en marzo do 2020, seguimos coa mesma ilusión por compartir lecturas e lerias.
Cambiaron algunhas caras porque algúns dos mestres xa non están no cole, mais tamén apareceron outras novas con moitas ganas de participar.
Xa vos iremos contando, polo de agora quedamos en ler o libro O souto dos catro ventos de María Oruña.
 |
Estamos en Bagdad, a cidade atravesada polo Tigris, a que aparece nos contos d’As mil e unha noites, a que hoxe resiste baixo as bombas, entre o fogo cruzado. A xente vive esculcando o ceo, as escolas pecharon e os cativos xa non xogan na rúa. Alleo a todo, Ibrahim reparte o correo na súa motocicleta. Leva no peto unha misteriosa carta que está decidido a entregar custe o que custe.
O 16 de novembro tivemos a primeira reunión para comentar o libro. Unha das cousas das que nos decatamos foi que todos os capítulos empezaban da mesma maneira, indicándonos o mes no que tiña lugar a acción.
Para saber máis aquí vos d eixo información sobre os meses musulmáns:
O calendario ten como base o mes lunar, considerando que o tempo son 29 días e medio os que tarda a Lúa en circundar a Terra. O ano lunar musulmán consta de 12 meses, cinco de 29 días e sete de 30, de xeito que o ano ten 354 días.
Os nomes dos meses, algúns dos cales refírense as estacións,
teñen a súa orixe no calendario árabe pre-islámico. Ese
calendario engadía un mes cada tres anos, para conseguir manter o
calendario lunar en harmonía coas estacións.
O
calendario musulmán esqueceu a corrección, de maneira que cada ano
acumula unha diferenza de 10 ou 11 días respecto do calendario
solar. O resultado é que os meses musulmáns escorregan
gradualmente polas estacións e así un mes vaise iniciando cada vez
máis prontoe o mesmo mes segundo van pasando os anos caen en
estacións diferentes.
https://verne.elpais.com/verne/2017/06/03/articulo/1496486819_741465.html
Algúns dos membros do club de sexto posaron para esta divertida foto.
Grazas rapaces!
O club de sexto lerá para a súa próxima xuntanza o libro Prohibido leer a Lewis Carroll.
