Hoxe foi unha tarde moi especial porque acompañei á profe Encarna ó Centro de Día de Ponteareas. Alí entregámoslles un "libriño" coas poesías inventadas e recompiladas polos nosos alumnos. O mellor foi poder gozar da lectura dalgunha desas poesías.
Moitos bicos para toda a comunidade do centro de día!
Para celebrar o Día das Letras Galegas a rapazada do club compartiu a lectura da biografía e poemas de Florencio Delgado Gurriarán cos seus compañeiros.
Esta semana os alumnos de quinto reuníronse para falar do libro de María Jesús Pereiro Santa: ¡Mamasiña, que medo!
Falaron do argumento, dos adiantos técnicos, sobre o uso das esaxeracións como recurso poético e humorístico. Tamén comentaron que lles fixo graza os insultos que utiliza Celidonia (nenos de chupeta, cagainas, aparrulados, papaleisóns...)
Tiveron que dicir unha palabra coa que calificarían o libro: entretido, divertido, orixinal, dramático, cómico e interesante.
Finalmente cada un dixo o personaxe que lle gustaría representar.
.jpg)
Onte tivemos que pospoñer a reunión do club de lectura do grupo de sexto porque os compañeiros de sexto A asistiron a un obradoiro de alfombras florais.
Unha mágoa ter que pospoñer a reunión para dentro de quince días pero foi por un bo motivo. Aquí vos deixo o resultado do seu traballo.
Da reunión que celebramos hoxe queremos descatar unha das fotos que realizamos.
E dende logo que nela tiña que aparecer un martelo. O martelo da avoa Luz. Ese martelo tan cargado de significado e que case se converte no martelo de Thor.
Moitos biquiños!
.jpg)
