Ola!
Xa comenzamos! Tivemos as primeiras reunións co alumnado de 5º e 6º. Repartimos os libros e comentamos como ían ser as reunións e as actividades que levaremos a cabo durante o curso.
Volverémonos a reunir durante o mes de novembro.
Os de quinto comentaremos o libro Chamádeme Simbad de Francisco Castro e os de sexto O carteiro de Bagdad de Marcos S. Calveiro.
Palabras agachadas
Club de lectura dos alumnos do quinto e sexto nivel de primaria.
Entre follas
Club de lectura das mestras.
Este curso continuaremos co club de lectura de sexto, xa son catorce cursos na súa traxectoría, e recuperaremos o club de lectura para o quinto nivel e o club de mestras iniciados fai dous cursos.
Estamos seguras de que nos agardan fantásticas lecturas e atractivas actividades!
Don Moucho, como bo coñecedor da nosa Biblioteca, será o mellor guía que podamos atopar para axudarnos a camiñar unidos por esa fraga chea de libros que nos protexe e transporta a calquera punto do noso mundo real ou imaxinario pero sen deixar nunca atrás a ningún dos nosos.
Coidamos que os libros constituen un medio fundamental para coñecer e comprender mellor a realidade e as persoas que nos rodean polo que a Fraga dos soños pretende ser indispendable para axudar no camiño de entendernos mellor a nós mesmos, ós nosos compañeiros e ó universo real e de soños que temos ó noso arredor.
E non esquenzades que contamos con todos vós para facelo posible!.
A través dela queremos seguir compartindo as nosas lecturas, actividades, pensamentos, inquedanzas, soños e aventuras con todos vós.
